Државен
XXXIII ДРЖАВЕН НАТПРЕВАР ПО ИНФОРМАТИКА, 19 – 20.03.2022
Назад
Информации за организацијата на државен натпревар 2022
Заради ковид пандемијата и запазување на протоколите, државниот натпревар по информатика и годинава се одржи без церемониите за свечено отворање, доделување дипломи во живо и сите останати пропратни активности.
Со цел да бидат повикани повеќе ученици да учествуваат на натпреварот, а да се запазат ковид мерките за негрупирање, учениците се натпреварува на 3 локации и тоа:
1. Кавадарци, Гимназија „Добри Даскалов“
2. Скопје, „Семос едукација“
3. Скопје, Факултет за информатички науки и компјутерско инженерство (ФИНКИ)
Натпреварот траеше 165 минути, а целата понатамошна комуникација (резултати, приговори и доделување дипломи) се одвиваше електронски, како што беше и за регионалниот натпревар.
Прелиминарните резултати беа објавени на mendo.mk. Натпреварувачите имаа можност да ги проверат своите решенија во делот за тренинг и да увидат каде погрешиле.
Менторите можеа да поднесат приговор до 19.03 до 22:00, со наведување на името на учесникот, корисничкото име, задачата на која се приговара и образложение зошто задачата дава точно решение, а не добива поени на mendo, на natprevar@cs.org.mk.
Церемонија за објавување на освоени дипломи и награди беше спроведена во недела (20.03.2022) во 18:30 часот, онлајн.
XXXII ДРЖАВЕН НАТПРЕВАР ПО ИНФОРМАТИКА, 20 – 21.05.2021
Назад
Заради ковид пандемијата и запазување на протоколите, државниот натпревар по информатика се одржа без церемониите за свечено отворање, доделување дипломи и сите останати пропратни активности. Се очекуваше учениците од основно образование да дојдат пред влезот на просториите на Семос едукација во Скопје, а учениците од средно образование пред влезот на просториите на ФИНКИ на Технолошко-металуршкиот факултет во Скопје, во 11:40 часот. Заради запазување на протоколите, влегувањето во зградата на факултетот и во просторот на Семос едукација беше дозволен само после измерена температура на секој од учесниците и менторите. По мерењето на температурата, учениците требаше директно да се упатат во просторијата за натпреварување во која се распределени, на соодветната позиција според објавениот распоред. Внимавајте, заради протоколите, централните скали во ТМФ во периодот пред почетокот на натпреварот се користат само во едната насока (од приземје кон првиот спрат), така што, упатете се нагоре единствено ако треба да бидете во една од горните простории. Натпреварувачите, за целото време дури се во просторот на факултетот и Семос едукација мораа да одржуваат растојание од најмалку 1,5 метри од други лица.
Натпреварот траеше 150 минути, а потоа учениците требаше да ги напуштат просториите и да се упатат дома. Целата понатамошна комуникација (резултати, приговори и доделување дипломи) се одвиваше електронски, како што беше и за регионалниот натпревар.
XXXI ДРЖАВЕН НАТПРЕВАР ПО ИНФОРМАТИКА, 20 – 22.03.2020
Назад
Заради актуелната ситуација предизвикана од мерките за справување со Covid-19 натпреварот беше одложен. И покрај барањето од ЗИМ до МОН, Владата и Комисијата за заразни болести доставено во мај за одобрување на протокол за спроведување на државниот натпревар, до почетокот на август не добивме одговор на барањето.
Затоа, ЗИМ донесе одлука да ги земе предвид резултатите од регионалниот натпревар (кој беше единствениот регуларно спроведен натпревар) како основа за утврдување на постигнувањата на учениците пласирани на државниот натпревар. Сите ученици, со одлуката имаат освоено соодветни награди како и на регионалниот натпревар усогласени со правилникот за организација на државни натпревари на МОН.
Учениците кои имаат амбиција да учествуваат на Македонската олимпијада по информатика со цел да влезат во тимовите за интернационалните натпревари ЗАДОЛЖИТЕЛНО треба да учествуваат на следната серија од натпревари во периодот 20ти-23ти март.
Агенда на Државниот натпревар 2020
XXVI ДРЖАВЕН НАТПРЕВАР ПО ИНФОРМАТИКА, 28.03.2015
Назад
XXVI Државен натпревар по информатика се одржа на 28.03.2015, во просториите на Факултетот за Информатички Науки и Компјутерско Инженерство.