Последни настани

Во рамки на соработката помеѓу Македонската академија на науки и уметности и Бугарската академија на науки и уметности, заедно со Сојузот на Математичари на Македонија, Здружението на информатичари на Македонија и Сојузот на математичари и информатичари на Бугарија се организира заеднички

УЧЕНИЧКИ ИНСТИТУТ ПО МАТЕМАТИКА И ИНФОРМАТИКА

Целта на Институтот е да организира воведување на младите талентирани ученици за математика и информатика (на возраст до четврта година од средните училишта)  во научно-истражувачка работа.

Учениците подготвуваат труд на одредена тема од математика/информатика предложена од Институтот, од ментор или самостојно избрана тема. Подготовката е темата е индивидуална или во коавторство со најмногу уште еден автор, самостојно или под раководство на ментор од училиштето.

Трудовите ќе бидат рецензирани и најдобрите автори ќе бидат поканети да ги презентираат трудовите на Ученичка конференција по математика и информатика.

Трудовите од математика треба да се пратат до Јасмина Марковска, jmarkoska@gmail.com 26.03.2015.

Трудовите од информатика треба да се најават кај Марија Михова, marija.mihova@finki.ukim.mk до 19.03.2015, а да се подготват и пратат до 1.04.2015.

Терминот за одржување на конференцијата ќе биде определен по добивањето на проектите. Побарувањата за изработка на проектот се дадени подолу.

Побарувања за изработка на проектот

Текстот на проектот треба да е напишан на компјутерски едитор на текст (MS Word, LaTeX) на македонски јазик, со обем не помалку од 10 страници и не повеќе од 50 страници, оформен на следниов начин: заглавна страница, резиме на македонски јазик до 100 збора; резиме на англиски јазик до 100 збора. Во резимето треба да биде напишано од која област е проектот и какви се оригиналните придонеси на авторите. Трудот се разделува на глави/секции и започнува со вовед, во кој се формулираат целите и задачите на проектот и се прави кратка анотација на содржината на останатите глави. Проектот завршува со заклучок, во кој се опишува како се постигнати целите, при што се одбележува и придонесот на авторите. На крај се дава список на искористена литература.

Во проектите по информатика и информациски технологии со апликативен карактер трудот треба да содржи: опис на областа; опис на апликативниот систем (кој не зависи од реализацијата); избор на технички и програмски средства и опис на реализацијата. Во прилог можат да бидат вклучени, програмски код и пример излези.

Проектите по информатика и информациски технологии треба да бидат придружени со кодот кој е искористен, неопходен за подробното запознавање на рецензентите со разработката.

Оценување

Основни показатели при оценувањето се јасност и последователност на изложеното, оригиналност, коректност на резултатите, отсуство на технички и правописни грешки, прегледност на цртежи и графикони, целосното оформување.

Презентација

Времето за презентација е 20-30 мин., кои вклучуваат и 5 минути за прашања, одговори и дискусија. Презентацијата треба да биде кратка и јасна, да дава точна претстава за суштината на проектот и најмногу за придонесот на авторот/те во темата.

Регионалниот натпревар по информатика се одржа на 01 март 2015 година.

Повеќе информации за натпреварот можете да најдете овде.

На 25.12.2014 година, со почеток од 16:30 часот, во просториите на Факултетот за информатички науки и компјутерско инженерство во Скопје, се одржа Годишното Собрание на Здружението на Информатичари на Македонија (ЗИМ). 

Од 10.08. до 17.08. во Анкара, Турција, се одржа 22-рата по ред Балканска Олимпијада по Информатика (БОИ).

Македонија на БОИ 2014 ја претставуваше тимот составен од натпреварувачите Климент Серафимов, Христијан Ѓоршевски и Димитар Бајрактаров, како и лидерите Емил Станков и Весна Киранџиска.

Веб страна за настанот: http://boi2014.tubitak.gov.tr/

Од 13.07.2014 до 20.07.2014 во Тајпеј, Тајван, се одржа 26-ата по ред Интернационална Олимпијада по Информатика (ИОИ 2014).

Македонија на ИОИ 2014 ја претставуваше тимот составен од натпреварувачите Бојан Серафимов, Филип Беџовски, Васил Кузевски и Климент Серафимов, како и лидерите Миле Јованов и Емил Станков.

Веб страна за ИОИ 2014: http://www.ioi2014.org

Еден сребрен и два бронзени медали за македонскиот тим на ИОИ 2014.

На 26-тата по ред Интернационална олимпијада по информатика (ИОИ 2014), која од 13-ти до 20-ти Јули се одржува во Тајпеј, Тајван, македонските ученици постигнаа извонреден резултат. Македонскиот тим на овој светски најпрестижен натпревар од областа на програмирањето за средношколци, составен од учениците Бојан Серафимов, Климент Серафимов, Васил Кузевски и Филип Беџовски, предводени од лидерите, д-р Миле Јованов и м-р Емил Станков од Факултетот за информатички науки и компјутерско инженерство (ФИНКИ), освои 1 сребрен и 2 бронзени медали.

Постигнатиот резултат претставува најголем успех за Македонија на сите досега одржани интернационални информатички олимпијади, но и потврда дека нашите ученици со стекнатото знаење од областа на компјутерските науки можат да се носат рамо до рамо со најдобрите ученици ширум целиот свет. Сребрениот медал е прво вакво одличје што го освојува еден македонски ученик и претставува успех со кој може да се пофалат помал број од земјите – учеснички на ИОИ.

ИОИ е најпрестижниот годишен интернационален натпревар во програмирање за средношколци кој традиционално се одржува во една од земјите – членки на ИОИ заедницата. Секоја година, повеќе од 250 000 млади луѓе од речиси 90 држави се натпреваруваат во борба да ја претставуваат својата држава на ИОИ.

На ИОИ 2014 учествуваат вкупно 315 ученици, кои право на учество обезбедија преку националните натпревари во програмирање спроведени во 80 земји од целиот свет. Во ваква силна конкуренција, првиот сребрен медал во историјата за Македонија го освои Бојан Серафимов, а бронзените медали ги освоија Васил Кузевски и Климент Серафимов.

„За да се постигне врвен резултат на вакво силно интернационално натпреварување секако е потребно да се поседува талент, да се има силна желба и мотивација, како и упорност, за да се жртвуваат часови од, и онака краткото, слободно време на учениците за постојано да се надградува знаењето од областа на алгоритамското програмирање, но и континуирано да се утврдува веќе стекнатото знаење преку решавање на колку што е можно повеќе задачи. Нашите ученици преку постигнатите резултати повеќе пати до сега докажаа дека поседуваат голем талент, како и исклучителна мотивираност и упорност, но на ИОИ 2014 допреа речиси до самиот светски информатички врв за својата возраст!“ – изјави м-р Емил Станков, заменик лидер на македонскиот тим на ИОИ 2014 и асистент на ФИНКИ.

Во својата изјава, водичот на тимот и претседател на Здружението на информатичарите на Македонија, д-р Миле Јованов, вели: „Задоволен сум од успехот, бидејќи сметам дека годинава учениците успеаа да го презентираат на вистинско ниво нивното знаење. И во нивните очи не гледам среќа туку задоволство – тоа е затоа што она медалите се постигнати со многу работа од нивна страна и од страна за Здружението на информатичарите. Благодарен сум на компанијата Нордеус која во најголем дел го понесе финансискиот товар за патувањето, преку нивната донација до ЗИМ, иако сеуште сме во ситуација кога самите натпреварувачи мора да покриваат дел од нивните патни трошоци. Се надевам дека од следната година владата ќе ја преземе финансиската обврска за спроведување на овие натпревари и ќе ја поддржи работата на ЗИМ заради која единствено на Информатичката интернационална олимпијада, споредено со олимпијадите од другите науки, имаме ваков значаен успех.“ Ваквите резултати на тројцата матуранти од тимот им го отворија патот да студираат во САД и Обединетото кралство на едни од најпрестижните светски универзитети.

Следната, 27-ма по ред, Интернационална олимпијада по информатика (ИОИ 2015), ќе се одржи идната година во Алмати, Казахстан.

Веб страна за Интернационалната олимпијада по информатика 2014: http://www.ioi2014.org.

Нови медали за Македонија: Две бронзени медали на ЈБОИ, и 1 сребрен и 3 бронзени медали на Математичкиот гимназиски куп во Белград.

На 8-мата Јуниорска Балканска Олимпијада по Информатика (ЈБОИ 2014) која од 23-ти до 28-ми јуни се одржа во Белград, Србија, тројцата македонски ученици освоија 2 бронзени медали. Под раководство на лидерите, д-р Миле Јованов и Владислав Бидиков од Факултетот за информатички науки и компјутерско инженерство (ФИНКИ), учениците Димитар Бајрактаров од Струмица и Душан Терзиќ од Пробиштип освоија бронзени медали, додека трет македонски учесник беше Матеј Голубовиќ од Скопје.

На годинешната Јуниорска Балканска Олимпијада учествуваа тимови составени од најмногу четворица натпреварувачи, ученици до 15,5 години, од следните земји: Босна и Херцеговина, Бугарија, Грција, Македонија, Молдавија, Романија, Србија, како и Таџикистан како поканет учесник. Овој успех покажува дека Македонија има квалитетен подмладок, кој ветува успеси и на идните интернационални натпревари.

Учеството на натпреварот традиционално го организира Здружението на информатичарите на Македонија, годинава со поддршка од Нордеус и Ассеко – СЕЕ, светли примери за општествена одговорност од многуте македонски ИТ компании, како и на државната Агенција за електронски комуникации (АЕК).

Паралелно со ова натпреварување, се одржа и вториот по ред Математички гимназиски куп, во организација на белградската специјална математичка гимназија. Во конкуренција на 21 тим од 13 земји, македонскиот тим составен од Денис Рајхл, Мики Митевски, Горазд Димитров и Каролина Трајковска, а под раководство на д-р Марија Михова, се враќа со освоени 1 сребрен и 3 бронзени медали во областите информатика, математика и физика.

Веб страна за Јуниорската Балканска Олимпијада по Информатика 2014: http://jboi2014.dms.rs

На 19.05.2014 во просториите на Семос едукација се одржа VIII Државен натпревар по информатика за основно образование – апликативни вештини. 

Од 23.06.2014 до 28.06.2014, како дел од настанот Mathematical Grammar School Cup 2014, во Белград, Србија, се одржа VIII Јуниорска Балканска Олимпијада по информатика. Повеќе за овој настан можете да прочитате овде.

На 25.04.2014 и 26.04.2014 во просториите на ФИНКИ се одржа XVIII Македонска Олимпијада по Информатика. Повеќе за натпреварот можете да прочитате овде.