ПРЕЛИМИНАРНИ ИНФОРМАЦИИ ЗА РЕГИОНАЛЕН НАТПРЕВАР 2026
Почитувани ученици и ментори,
Регионалниот натпревар годинава, според усогласениот календар со другите научни здруженија, ќе се одржи на 01.03. со почеток во 12:00 часот. Истиот ќе се одржи на повеќе локации.
Распоредот кој ученик на која локација се натпреварува ќе биде даден во објавена листа на учесници. Сите информации околу учеството ќе бидат доставени и до менторите, на нивните е-адреси, преку кои го имаат извршено пријавувањето на учениците.
ВАЖНИ информации
- Натпреварите во рамките на овогодишниот циклус натпревари по информатика (регионален, државен) се спроведуваат преку системот МЕНДО, кој може да се пристапи на mendo.mk. За да може да учествувате, неопходно е да си креирате кориснички пристап на МЕНДО.
- Според правилникот за натпревари: „Учеството на регионалниот натпревар го пријавува училиштето за секој ученик. Секое училиште има утврдена квота за учество – број на учесници n (= a + b). Бројот a се утврдува од комисијата за натпревари во зависност од техничките можности за актуелната година и може да изнесува помеѓу 1 и 5. Бројот b се утврдува индивидуално за секое училиште – тоа е бројот на освоени места на државниот натпревар по ментори од училиштето во претходниот циклус на натпревари. Секое училиште е должно да спроведе транспарентна процедура за избор на соодветниот број натпреварувачи.“
- Годинава, секое средно училиште може да учествува со 3 натпреварувачи (а=3), а секое основно училиште со 3 (а=3). Бројот b за училиштата, пресметан според минатогодишните резултати, е даден во листата подолу.
- Училиштата-домаќини имаат право на најмногу два дополнителни натпреварувачи. Секое училиште кое има пријавено повеќе од еден натпреварувач треба да е подготвено да биде домаќин на одреден број учесници (барем 10). За нив ќе треба да обезбеди просторија (простории) со компјутер со интернет пристап само до mendo.mk и видео надзор (може и од камера од лаптоп) за време на траење на натпреварот.
- Пријавувањето на учесници годинава се врши со пополнување на следната форма за секој учесник од училиштето (се пополнуваат: име, презиме, одделение/клас, корисничко име кое го користи на МЕНДО) и име, е-адреса и контакт телефон до одговорниот професор. Тоа мора да е направено најдоцна до петок (20.02.2026) до 19:00.
- Програмски јазик кој може да го користат учесниците е С++.
- Во четврток (19.02.2026) со почеток од 12:00 часот ќе биде одржан т.н. училишен натпревар. Тој има цел да им овозможи на натпреварувачите да вежбаат, за него нема да се објави ранг листа со резултати, но е задолжителен и ученик кој не бил на училишниот натпревар нема да може да учествува на регионалниот натпревар. Резултатите ќе бидат видливи само за учесниците, а менторите треба да ги видат индивидуално кај секој од учениците. Ги советуваме менторите во чии училишта има повеќе заинтересирани ученици за учество на регионалниот натпревар од доделената квота, да го искористат овој натпревар за да изберат кои точно ученици ќе ги пријават на регионалниот натпревар. Напоменуваме дека тоа не е обврска, резултатите од натпреварот не се обврзувачки, и одговорноста за пријавување е оставена на менторот/менторите од секое училиште. Тие, при својот избор треба да внимаваат и да им дадат шанса на ученици од различни одделенија/години. Менторите преземаат обврска да гарантираат дека нивните ученици учествувале на натпреварот чесно, така што натпреварот ќе го организираат во училиштето или ќе ја надгледуваат активноста на учениците електронски.
- Доколку некој ученик не влезе во листата на ученици-претставници од дадено училиште, а смета дека тоа е неоправдано, може да се пријави преку училиштето/менторот за учество на натпреварот со покривање на трошоците (1500 денари) или тоа може да го направи лично на natprevarATcs.org.mk. Овие ученици ќе ги имаат истите права при натамошната квалификација за државен натпревар. Учесниците кои се пријавени (или ќе се пријават на natprevarATcs.org.mk) за приватно учество најдоцна до 26.02 до 12 часот треба да извршат уплата преку пополнета уплатница со податоци како стандардната уплатница за членство во ЗИМ со следните измени: – цел на дознака: Учество на регионален натпревар 2026; – износ: 1500 денари.
Листа на училишта со дополнителни места според минатогодишните резултати
| Име на училиштето | Град на училиштето | Дополнителни места (b =) |
| „Семос Едукација“ | Скопје | 1 |
| ДСУ-РЦСОО „Никола Карев“ | Струмица | 1 |
| ООУ „11 Октомври“ | Скопје | 1 |
| ООУ „Блаже Конески“ | Скопје | 1 |
| ООУ „Блаже Конески“ | Прилеп | 1 |
| ООУ „Браќа Миладиновци“ | Скопје | 1 |
| ООУ „Браќа Миладиновци“ | Струга | 1 |
| ООУ „Братство“ | Скопје | 1 |
| ООУ „Ванчо Прке“ | Штип | 1 |
| ООУ „Војдан Чернодрински“ | Скопје | 1 |
| ООУ „Климент Охридски“ | Прилеп | 1 |
| ООУ „Маршал Тито“ | Струмица, с. Муртино | 1 |
| ООУ „Мирче Ацев“ | Скопје | 1 |
| ООУ „Петар Поп Арсов“ | Скопје | 1 |
| ООУ „Свети Кирил и Методиј“ | Свети Николе | 1 |
| ОСТУ „Гостивар“ | Гостивар | 1 |
| ОСУ „Св. Климент Охридски“ | Охрид | 1 |
| ПОУ „Јахја Кемал“ | Скопје | 1 |
| ПСУ „Алгоритам“ | Скопје | 1 |
| СЕТУГС „Михајло Пупин“ | Скопје | 1 |
| СОТУ „Ѓорѓи Наумов“ | Битола | 1 |
| СОУ „Ѓорче Петров“ | Крива Паланка | 1 |
| СОУ „Коле Нехтенин“ | Штип | 1 |
| СОУ „Коста Сусинов“ | Радовиш | 1 |
| СОУ „Љупчо Сантов“ | Кочани | 1 |
| СОУ Гимназија „Гоце Делчев“ | Куманово | 1 |
| СОУ Гимназија „Добри Даскалов“ | Кавадарци | 1 |
| СОУ Гимназија „Кочо Рацин“ | Велес | 1 |
| СОУ Гимназија „Сами Фрашери“ | Куманово | 1 |
| СОУ Гимназија „Славчо Стојменски“ | Штип | 1 |
| СУГС „Георги Димитров“ | Скопје | 1 |
| СУГС Гимназија „Орце Николов“ | Скопје | 1 |
| ООУ „Видое Подгорец“ | Струмица | 2 |
| ООУ „Наум Наумовски Борче“ | Скопје | 2 |
| ПСУ „Јахја Кемал“ | Струга | 2 |
| СУГС Гимназија „Раде Јовчевски – Корчагин“ | Скопје | 2 |
| ПСУ „Јахја Кемал“ | Скопје | 4 |
| СОУ „Јане Сандански“ | Струмица | 4 |
| СОУ Гимназија „Мирче Ацев“ | Прилеп | 4 |
| ДСУ Математичко информатичка гимназија | Скопје | 23 |
ПРЕЛИМИНАРНИ ИНФОРМАЦИИ ЗА РЕГИОНАЛЕН НАТПРЕВАР 2026 Read More »