МЕНДО

FINKI Admin

Информација во врска со Државниот натпревар 2020

Последни настани /

Заради актуелната ситуација предизвикана од мерките за справување со Covid-19 натпреварот беше одложен. И покрај барањето од ЗИМ до МОН, Владата и Комисијата за заразни болести доставено во мај за одобрување на протокол за спроведување на државниот натпревар, до почетокот на август не добивме одговор на барањето.


Затоа, ЗИМ донесе одлука да ги земе предвид резултатите од регионалниот натпревар (кој беше единствениот регуларно спроведен натпревар) како основа за утврдување на постигнувањата на учениците пласирани на државниот натпревар. Сите ученици, со одлуката имаат освоено соодветни награди како и на регионалниот натпревар усогласени со правилникот за организација на државни натпревари на МОН.

Информација во врска со Државниот натпревар 2020 Read More »

Одложување на Државниот натпревар 2020

Последни настани /

Заради актуелната ситуација предизвикана од мерките за справување со Covid-19, Државниот натпревар е одложен. Новиот датум ќе биде утврден по ублажувањето на мерките.

Учениците кои имаат амбиција да учествуваат на Македонската олимпијада по информатика со цел да влезат во тимовите за интернационалните натпревари, ЗАДОЛЖИТЕЛНО треба да учествуваат на следната серија од натпревари во периодот 20ти-23ти март

Одложување на Државниот натпревар 2020 Read More »

Натпревари по информатика 2020

Последни настани /

Здружението на информатичарите на Македонија, и оваа година организира циклус на натпревари по информатика. Сите информации поврзани со натпреварите, правилата, датумите и слично, можат да се најдат на веб-сајтот на ЗИМ. Во однос на програмирањето, повеќето натпревари во оваа година (училишен, регионален и државен) ќе се спроведуваат преку системот МЕНДО.

Повеќе информации, како и календарот за натпревари и специфичните правила за бодување се објавени на веб–сајтот на ЗИМ, во делот за натпревари.

Натпревари по информатика 2020 Read More »

Дабар 2019

Последни настани /

Здружението на информатичарите на Македонија (ЗИМ) и годинава се придружува кон напорите за промовирање на информатиката и алгоритамското размислување на учениците од основното и средното образование, и по петти пат го организираше интернационалниот натпревар ДАБАР. Истиот се одржува во преку 50 држави во светот.

По минатогодишниот успех, кога над 200 училишта и околу 25 000 ученици и наставници од нашата држава земаа учество на натпреварот, со што Македонија беше помеѓу државите со (процентуално) најголем број на учесници, Ви благодариме што и годинава се вклучивте во активноста.

Дабар е интернационален предизвик (еден вид натпревар), наменет за ученици од основните и средните училишта (почнувајќи со 3то одделение), кој има за цел да ја промовира информатиката и сродните науки. Истиот е исклучително популарен, се спроведува во многу држави и има добиено повеќе признанија и награди на разни научни конференции. Задачите кои им се даваат на учениците се создадени со цел да ги мотивираат истите да размислуваат за принципите, идеите и концептите поврзани со информатиката и технологијата. Натпреварот се спроведува на училишните компјутери, како едноставна наставна активност во рамките на еден наставен час (според можностите, секој клас може да учествува во различен термин).

Во Македонија, Дабар се одржа во периодот 11-15 ноември 2019. Регистрацијата за натпреварот беше едноставна и траеше само 1-3 минути, а за спроведување на натпреварот не беше потребна никаква подготовка на компјутерите или инсталација на дополнителни програми и алатки. За да се учествува во натпреварот, за секое училиште доволно беше ЕДНО лице да изврши регистрација за натпреварот преку пристапување на сајтот talent.mk. Регистрацијата беше отворена до 10.11.2019. По регистрацијата, лицето добиваше упатство за спроведување на настанот (краток документ).

Сите учесници (ментори, ученици и поддржувачи) ќе добијат сертификати, по е-маил, по завршување на натпреварот. На сајтот на Дабар 2019 ќе биде објавена и листа на училиштата кои земале учество, како благодарност за нивната поддршка за промовирањето на натпреварот и науката.

ЗИМ и годинава овозможи учеството на натпреварувачите да е бесплатно. Со цел да ја промовираме оваа активност и во Република Македонија, се надеваме на поддршка од сите основни и средни училишта во Македонија. На тој начин, заедно можеме да ги промовираме компјутерските науки кај учениците, со што ќе придонесеме за нивниот развој, како и за развојот на нашата држава.

Сите информации кои не можат да се најдат на сајтот talent.mk може да ги побарате на dabar.makedonija@gmail.com

Дабар 2019 Read More »

XXVII Балканска Олимпијада по Информатика (БОИ 2019)

Последни настани /

Од 09.09.2019 до 14.09.2019, во Атина, Грција, се одржа XXVII Балканска Олимпијада по Информатика (БОИ 2019).

Македонија на БОИ 2019 ја претставуваше тимот составен од натпреварувачите Мартин Динев, Андреј Величковски, Благојче Павлески и Владимир Шарковски, како и лидерите Емил Станков и Владислав Бидиков.

Повеќе информации за натпреварот може да прочитате овде.

XXVII Балканска Олимпијада по Информатика (БОИ 2019) Read More »

Три медали за Македонија на БОИ 2019

Последни настани /

Еден сребрен и два бронзени медали на Балканската олимпијада по информатика во Атина

 
Македонските ученици – информатичари на одличен начин заокружија уште една успешна година на меѓународните натпреварувања по информатика. На последниот интернационален натпревар за оваа година, 27-мата по ред Балканска Олимпијада по Информатика (БОИ 2019), која од 9-ти до 14-ти септември се одржа во Атина, Грција, нашите ученици постигнаа нов голем успех, освојувајќи 1 сребрен и 2 бронзени медали. Сребрениот медал за Македонија го освои Мартин Динев од с. Пирава, Валандово, додека двата бронзени медали ги освоија Андреј Величковски од Куманово и Благојче Павлески од Прилеп. Четврти член на македонскиот тим беше Владимир Шарковски од Скопје, а со тимот раководеа м-р Емил Станков и Владислав Бидиков од Факултетот за информатички науки и компјутерско инженерство (ФИНКИ).
 
Претседателот на Здружението на информатичарите на Македонија (ЗИМ), д-р Миле Јованов, кој воедно е и повеќегодишен претседател на оваа олимпијада, вели дека заедно со овој резултат оваа година македонските ученици на интернационалните натпревари по информатика во Грција, Азербејџан и Словенија освоија вкупно 2 сребрени и 5 бронзени медали, со што го продолжија континуитетот на одлични претставувања во меѓународни рамки и потврдија по кој знае кој пат дека со знаењето што го поседуваат од областа на компјутерските науки можат да се носат рамо до рамо со своите врсници ширум целиот свет. Уште повеќе, годинава во Атина е освоен досега најсилниот медал за Македонија, по поени близок до златните медали.
 
Главен организатор на БОИ 2019 беше Здружението на информатичари на Грција, со поддршка од грчкото Министерство за образование и верски работи. БОИ е регионален натпревар од областа на компјутерските науки за средношколци, на кој традиционално учествуваат вкупно по 4 од најдобрите ученици избрани преку годишните национални натпревари во програмирање на земјите-членки на БОИ заедницата. На годинешното издание учествуваа вкупно 44 натпреварувачи од следниве 12 балкански земји: Албанија, Босна и Херцеговина, Бугарија, Кипар, Грција, Македонија, Молдавија, Црна Гора, Романија, Србија, Словенија и Турција. Дополнително, како претставници на земја-гостин на олимпијадата, во неофицијална конкуренција учествуваа и ученици од Италија.
 
Учениците од македонскиот тим за БОИ 2019 беа избрани преку целогодишен циклус на натпревари, кој што редовно се организира од Здружението на информатичарите на Македонија (ЗИМ), а оваа година беше поддржан од Агенцијата за млади и спорт, Фондот за иновации и технолошки развој, Факултетот за информатички науки и компјутерско инженерство (ФИНКИ) и општествено одговорните компании Нетцетера, Грабит, Докстим, Сорсикс, Семос едукација и Хаселт. Натпреварите се одржуваат преку системот mendo.mk кој е достапен во текот на целата година за сите заинтересирани натпреварувачи.
 
Следната, 28-ма по ред, Балканска Олимпијада по Информатика (БОИ 2020), ќе се одржи идната година во Словенија.
 
Веб страна за БОИ/ЈБОИ 2018: https://boi2019.epy.gr

Три медали за Македонија на БОИ 2019 Read More »

III Европска Јуниорска Олимпијада по Информатика (ЕЈОИ 2019)

Последни настани /

Од 23.08.2019 до 29.08.2019, во Марибор, Словенија, се одржа третата по ред Европска Јуниорска Олимпијада по Информатика (ЕЈОИ 2019), како и 13-тата по ред Јуниорска Балканска Олимпијада по Информатика (ЈБОИ 2019).

Македонија на ЕЈОИ 2019 и ЈБОИ 2019 ја претставуваше тимот составен од натпреварувачите Тео Китановски, Иван Занов, Атина Рувинова и Сара Стефановска, како и лидерите Миле Јованов и Емил Станков.

Повеќе информации за натпреварот може да прочитате овде.

III Европска Јуниорска Олимпијада по Информатика (ЕЈОИ 2019) Read More »

Сребрен медал на ЈБОИ 2019 и бронзен медал на ЕЈОИ 2019

Последни настани /

Сребрен и бронзен медал на меѓународните јуниорски натпревари по информатика

 
Македонските ученици – информатичари со своите долгогодишни водичи продолжуваат да редат успеси на меѓународните натпревари во текот на оваа година. По успехот на средношколците на Интернационалната Олимпијада по Информатика во Баку на почетокот на овој месец, кога донесоа 2 бронзени медали, континуитетот на успешни претставувања на Македонија на информатичките олимпијади од последниве десетина години го продолжуваат и јуниорите – ученици на возраст до 15,5 години. Од 13-тата по ред Јуниорска балканска олимпијада по информатика (ЈБОИ 2019), која од 23-ти до 29-ти август се одржува во Марибор, Словенија, македонскиот тим, составен од натпреварувачите Тео Китановски, Атина Рувинова, Иван Занов и Сара Стефановска, раководени од лидерите, д-р Миле Јованов и м-р Емил Станков од Факултетот за информатички науки и компјутерско инженерство (ФИНКИ), се враќа со освоен сребрен медал. Учениците од тимот беа избрани преку целогодишен циклус на натпревари, кој што редовно се организира од Здружението на информатичарите на Македонија (ЗИМ), а оваа година се одржуваше по јубилеен 30-ти пат. Натпреварите се одржуваат преку системот mendo.mk кој е достапен во текот на целата година за сите заинтересирани натпреварувачи
 
На годинешната Јуниорска балканска олимпијада по информатика учествуваат тимови составени од најмногу четири натпреварувачи, од следните десет балкански земји: Босна и Херцеговина, Бугарија, Грција, Македонија, Молдавија, Кипар, Романија, Србија, Словенија и Турција. Во оваа мошне силна конкуренција, сребрениот медал за Македонија го освои 14-годишниот Тео Китановски од Скопје.
 
Заедно со ЈБОИ 2019, во Марибор, Словенија, се одржува и 3-тата по ред Европска јуниорска олимпијада по информатика (ЕЈОИ 2019). Примарна цел на овој значаен и елитен едукативен настан е да се поттикне интересот за информатиката кај децата од помала возраст (до 15,5 години) во сите земји од Европа, како и да се овозможи на најдобрите европски млади таленти на оваа возраст да ги покажат знаењата и вештините кои што веќе ги стекнале во оваа област, а поконкретно во програмирањето. Секоја земја на ЕЈОИ учествува со тим кој се состои од 4 натпреварувачи, лидер и заменик лидер на тимот. Учениците се натпреваруваат во решавање на алгоритамски проблеми во два натпреварувачки дена.
 
На ЕЈОИ 2019 учествуваат вкупно 90 ученици од 24 европски земји. Балканските земји, кои истовремено учествуваат и на двата паралелни настани (ЕЈОИ 2019 и ЈБОИ 2019), се претставени со истиот тим и на едниот и на другиот настан. Во исклучително силната конкуренција, покрај сребрениот медал на ЈБОИ 2019, македонскиот тим освои и еден бронзен медал на ЕЈОИ 2019. Освојувач на медалот повторно е ученикот Тео Китановски. Овој успех на нашиот тим уште еднаш потврдува дека младите ученици од Македонија поседуваат знаење со кое што може да се носат рамо до рамо со своите врсници од цела Европа, па и пошироко.
 
Следната, 14-та по ред, Јуниорска балканска олимпијада по информатика (ЈБОИ 2020) ќе се одржи идната година во Никозија, Кипар.
 
Веб страна за ЕЈОИ 2019: https://www.ejoi2019.si

Сребрен медал на ЈБОИ 2019 и бронзен медал на ЕЈОИ 2019 Read More »